प्रशिक्षक मेघराज केसीले नेपाली यु–१९ राष्ट्रिय टिमको प्रशिक्षक नियुक्त भएका छन्। उनलाई एएफसी यु–१९ छनोट प्रतियोगिताका लागि प्रशिक्षकमा नियुक्त गरेको अखिल नेपाल फुटबल संघले जनाएको छ।

एएफसी यु–१९ छनोट आगामी नोभेम्बर ६ देखि इरानमा हुनेछ। एएफसी छनोटको समूह डी रहेको नेपालले आयोजक इरान, युएई र किर्गिस्तानसँग खेल्नेछ।

यसअघिका प्रशिक्षक चेतनारायण श्रेष्ठले पदबाट राजीनामा दिएपछि केसीलाई जिम्मेवारी दिइएको हो। श्रेष्ठले साफ यु-१८ च्याम्पियनसिपमा खराब नजितासँगै राजीनामा दिएका थिए।

साफ यु–१८ को दुई पटकको च्याम्पियन नेपाल समूह चरणबाटै बाहिरिएको थियो।