फिल्म ‘च च हुई’ को दोस्रो गीत सार्वजनिक भएको छ। पहिलो गीत ‘सिल्की सिल्की बाल’ को सफलतापछि यतिबेला दोस्रो गीत ‘जवानी’ सार्वजनिक गरिएको हो।

सार्वजनिक आइटम गीतमा आर्यन सिग्देल र एलिशा शर्मा देखिएकी छन्। गीतमा निर्देशक साम्तेन भुटिया र विनय सापकोटाको शब्द रहेको छ भने यसलाई रोशन थापाले संगीत भरेका हुन्। रोशनले गीतमा स्वर दिएका छन्। उनलाई गायनमा सुमन गुरुङले साथ दिएका छन्।

आउँदो मंसिर ६ गते प्रदर्शन हुने फिल्ममा निर्देशन र सम्पादन साम्तेनको रहेको छ।

फिल्ममा आर्यनसँगै भोलाराज सापकोटा, मिरुना मगर, माओत्से गुरुङ, पुष्कर गुरुङ, बबिता मल्ललगायतको अभिनय छ। फिल्म रोमान्टिक कमेडी जनरमा तयार भएको हो भने यसलाई एजिएल इन्टरटेनमेन्टको ब्यानरमा अमृत घोले लामाले निर्माण गरेका हुन्। व्यवसायी घोले यसैफिल्म मार्फत निर्माणमा आउँदैछन्।