बलिउड अभिनेता वीजू खोटेको निधन भएको छ । लामो समयदेखि बिरामी रहेका खोटेको ७७ वर्षको उमेरमा सोमबार निधन भएको हो। उनले मुम्बईस्थित आफ्नै निवासमा अन्तिम श्वास लिएको भारतीय मिडियाहरुले जनाएको छ।

वीजू चलचित्र शोलेमा निभाएको ‘कालियाको भूमिकाका लागि चर्चित छन् । चलचित्रमा गब्बर सिंह (अमजद खान)सँग उनको डायलग ‘तेरा क्या होगा कालिया’ को अहिलेसम्म पनि चर्चा हुने गर्छ ।

उनले आफ्नो करियरमा चाइनागेट, मेला, अन्दाज अपना अपना, गोलमाल–३ र नगीनसहित ३ सयभन्दा बढी चलचित्रमा काम गरेका छन् ।