क्यारेबियन प्रिमियर लिग (सिपिएल) अन्तर्गत ट्रीडेन्टसले सेन्ट लुसिया जोउक्समाथि जित हासिल गर्दै प्लेअफमा आफ्नो स्थान सुरक्षित गरेको छ ।

सोमबार बिहान सम्पन्न खेलमा बार्बाडोसले सेन्ट लुसियालाई २४ रनले पराजित गरेको हो ।१४२ रनको लक्ष्य पाएको सेन्ट लुसिया १८.४ ओभरमा ११७ रन बनाउदा अलआउट भएको थियो ।

सेन्ट लुसियाका लागि कोलिन इन्ग्रामले सर्वाधिक २५ रन बनाए भने हार्डस भिलजोएनले २२ र कोलिन डि ग्राण्डहोमले २१ बनाए ।बार्बाडोसका लागि हेडेन वाल्शले ४ विकेट लिए ।त्यस्तै ह्यारी गुर्नीले ३ विकेट लिएका थिए ।

यस अघि टस जितेर पहिला ब्याटिंग गरेको बार्बाडोसले २० ओभरमा ६ विकेट गुमाउदै १४१ रन बनाएको थियो ।बार्बाडोसका लागि जोनसन चार्लिजले ४७ रन बनाए भने जस्टिन ग्रीभ्सले २७ र शकिब अल हसनले २२ बनाए।

हारसँगै सेन्ट लुसिया प्लेअफमा पुग्न असफल भएको छ । १० खेलमा ७ अंक सहित सेन्ट लुसिया पाँचौ स्थानमा रहदै बाहिरिएको छ ।त्यस्तै बार्बाडोस एक खेल खेल्न बाँकी हुदै प्लेअफमा पुगेको छ । ९ खेलमा ८ अंक हासिल गरेको बार्बाडोस चौथो स्थानमा छ ।