धनगढी उपमहानगरपालिका –३ चटकपुरबाट प्रहरीले लागूऔषध ब्राउन सुगरसहित ३ जनालाई पक्राउ गरेको छ ।
पक्राउ पर्नेमा गोदावरी नगरपालिका–५ गेटाका २२ वर्षीय सन्तोष भट्ट, वडा–१ अत्तरियाका २८ वर्षीय गोविन्द चौधरी र वडा–१३ कैलाली गाउँका ३० वर्षीय सहदेव राना रहेका छन् ।
जिल्ला प्रहरी कार्यालय कैलालीबाट खटिएको प्रहरी टोलिले शनिबार चटकपुर सडकखण्डमा चेकजांज गर्ने क्रममा भट्ट र चौधरीको साथबाट दुई वटा पोकामा रहेको ६.६१ ग्राम अवैध लागूऔषध ब्राउन सुगर बरामद भएको प्रहरी नायब उपरीक्षक दक्षकुमार बस्नेतले जानकारी दिए ।
पक्राउ परेका भट्ट र चौधरीको वयानका आधारमा रानालाई पक्राउ गरिएको उनले बताए । रानाको घर खानतलासी गर्दा १६ पुरिया ब्राउन सुगर, जलेको अवस्थाको नोट, ब्लेड ३ टुक्रा, हुक्का १ थान, मोबाईल २ थान र ११ हजार ६ सय ५ रुपैयाँ नगद बरामद भएको उनले बताए ।
.JPG)
