सिंगापुरमा जारी त्रिकोणात्मक टि–२० क्रिकेट सिरिजको दोस्रो खेलमा नेपालले आयोजक सिंगापुरसँग प्रतिस्पर्धा गरिरहेको छ। दोस्रो खेलमा सिंगापुरविरुद्ध नेपालले टस हारेर पहिला बलिङको मौका पाएको छ।

इन्डियन एसोसियसनको मैदानमा भइरहेको खेलमा अहिले सिंगापुरले ११ ओभरको समाप्तिमा दुई विकेट गुमाएर ७८ रन बनाएको छ । नेपालका लागि करण केसीले पहिलो विकेट लिएका छन्। उनले गरेको चौथो ओभरको पहिलो बलमा रोहन रंगराजनलाई आउट गराएका हुन्। त्यस्तै दोस्रो विकेट सुशान्त भारीले लिएका छ । उनले शुरेनधरण चन्द्रालाई आउट गराएका हुन् ।

सिरिजको फाइनल प्रवेशका लागि नेपाललाई सिंगापुरमाथि जित आवश्यक छ। सिरिजको पहिलो खेलमा टेष्ट राष्ट्र जिम्बावेसँग ५ विकेटले पराजित भएको थियो। डबल राउण्ड रोबिनको आधारमा जारी सिरिजको अंक तालिकामा नेपाल अंकविहीन रहेको छ।

जिम्बावे २ अंक जोडेर शीर्ष स्थानमा छ। सिरिजअन्तर्गत नेपालले मंगलबार पुनः जिम्वाबेसँग खेल्नेछ। यस्तै बुधबार नेपालले पुनः सिंगापुरसँग खेल्नेछ। सिरिजको शीर्ष दुई टोलीले फाइनल खेल्ने छन्।