भक्तपुरमा कुटम्व लाइभ इन भक्तपुर विथ इन्दिरा लाछिमस्यू भएको छ । दशैंको शुभकामना कार्यक्रम अन्तर्गत ख्वप संगीत संस्थान र स्वीट्स इभेन्टस प्रालि भक्तपुरको संयुक्त आयोजनामा बिहिबार राति भएको हो ।

परम्परागत नेपाली बाजालाई नयाँं पुस्तालाई उत्साहित गर्न कार्यक्रम गरेको जनाइएको छ । कार्यक्रम अन्तर्गत कुटुम्वले धुन प्रस्तुत गरेको थियो । त्यसमा मुख्य प्रस्तुति इन्दिराको रहेको थियो ।

कार्यक्रममा व्याण्ड सदस्यहरु बबित महर्जन, राजु महर्जन, अरुण मानन्धर, सिद्धार्थ महर्जन, रुविन महर्जन र किरण नेपालीले पनि प्रस्तुत गरेका थिए । व्याण्ड वेम्वरको म्यानेजर अरुण गुरुङले पर्यटन प्रबद्र्धनका लागि कार्यक्रम गरिएको बताए ।

कार्यक्रमको मुख्य आकर्षण रुपमा नेवारी डेस रहेको थियो । परम्परागत पोशाकमा सवैले प्रस्तुत गरेका थिए । प्रमुख अथिति भक्तपुर नगरपालिकाका प्रमुख सुनिल प्रजापति र उपमेयर रजनी जोशी, वडा अध्यक्षहरुलगायतले अभिरुचिपूर्वक कार्यक्रमको अवलोकन गरेका थिए ।

नेपाल भ्रमण वर्ष २०२० का रुपमा भएको कार्यक्रमलाई गुन्गुनायो भक्तपुरको रुपमा लिइएको छ ।