जात्रामय काठमाडौं। इन्द्रजात्राको रौनकमा काठमाडौंवासी चुर्लुम्मै डुबेका छन्। दिनहुँ विभिन्न साँस्कृतिक गतिविधिहरु निरन्तर भइरहेका छन्। विभिन्न बाजाका ताल र बोलले काठमाडौंको साँस्कृतिक सुन्दरतालाई अझ निखार्दै लगेको छ। 

झ्याली र धिमेको तालसँगै घङ्खलाको पनि आवाज सुनिन्छ, ‘छङ छङ छङ छङ छङ।’ कोही बालबालिकाहरु भने डराए, ‘अय् यो त राक्षस आएको हो, भागौं भागौं।’ कोही भने घङ्गलाको छङ छङसँगै बाहिर कुद्न आतुर भइसके, ‘छिटो जाउँ छिटो जाउँ, लाखय् आजु हेर्न जाउँ।’