नेपालका प्रधानमन्त्री बेलायतको भ्रमण गर्न जान लाग्नुभएको छ । युरोपका अरु देशहरुको पनि भ्रमण गर्ने योजना बनाएका प्रधानमन्त्रीले विगत केही समयदेखि भारत र चीनको कूटनीतिमा सीमित भएको नेपाललाई विश्व मानचित्रमा अलि चलायमान बनाउन प्रयत्न गर्ने चाहना रहेको प्रष्टिन्छ ।

यसक्रममा नेपाली गोर्खाहरुले भोगेका समस्याहरु बेलायत सरकारसँग उठाइदिन प्रधानमन्त्रीलाई आग्रह गरिएको छ । ती समस्याका कुरा उठाउनैपर्छ र समाधान गर्न पहल गर्नुपर्छ । तर, हाम्रो पराधीनताको चुरोको रुपमा रहेको यो गोर्खा भर्तीलाई औपचारिकरुपमा अन्त्य गर्न प्रधानमन्त्रीको भ्रमणको अवसरमा सुरुवात गरिनु देशको हितमा हुन्छ ।