अमेरिकी राष्ट्रपति डोनाल्ड ट्रम्प चार दिने औपचारिक भ्रमणका क्रममा शनिबार जापान पुगेका छन् ।
सुमो शिखर सम्मेलनमा सहभागी हुन ट्रम्प जापान पुगेका हुन्।
भ्रमणका क्रममा राष्ट्रपति ट्रम्पले जापानका नयाँ राजा नारुहितोलाई सोमबार भेट्ने कार्यक्रम तय भएको अधिकारीहरुले जनाएका छन् । यसअघिका राजाले स्वास्थ्यको कारण देखाउँदै पद त्याग गरेपछि जापानमा अहिले नयाँ राजाले जिम्मेवारी पाएका छन् ।
केही समयअघि जापानका प्रधानमन्त्री आबेले पनि अमेरिकाको भ्रमण गरेका थिए ट्रम्पका एक जना बरिष्ठ अधिकारीले भनेका छन्, ‘दुई नेताहरु एक अर्काका देशमा आउने जाने र भेटवार्ता गर्ने गरिरहनुभएको छ, यसैबाट उनीहरुको सम्वन्ध कस्तो छ भन्ने थाहा हुन्छ ।’
जापान र अमेरिका दुवै तर्फका अधिकारीहरुले जापानका राष्ट्रपति सिन्जो आबे र अमेरिकी राष्ट्रपति ट्रम्पबीच अभूतपूर्व सम्बन्ध रहेको जनाएका छन् ।
