वैशाख २ गतेदेखि शिक्षा मन्त्रालयले सुरु गरेको विद्यार्थी भर्ना अभियानको नारा हो यो।
स्कुले उमेर समुहका बालबालिका कोही पनि पढ्नबाट वञ्चित हुन नपरोस् भनेर शैक्षिक वर्ष २०६१ देखि यो कार्यक्रम सञ्चालन हुँदै आएको छ। यसपालि पनि यो अभियान देशको ७ सय ५३ वटै स्थानीय तहमा सञ्चालन भइरहेहको छ। शिक्षा तथा मानवस्रोत विकास केन्द्र, भक्तपुरका प्रवक्ता दिपक शर्मा भन्छन्, ‘सतप्रतिशत विद्यार्थी भर्ना गर्ने लक्ष्य राखेर हामी अघि बढेका छौँ।’
