सरकारी चिकित्सक कर्मचारी समायोजन ऐन अन्यायपूर्ण भएको भन्दै अस्पताल ठप्प पारेर आन्दोलनमा होमिएको आज (शुक्रबार) आठौं दिन भएको छ। सुरुमा आन्दोलनकारी डाक्टरहरुलाई कारवाहीको चेतावनी दिएको सरकार न वार्ता, न कारवाहीको अवस्थामा छ। यही सन्दर्भमा नेपालखबरका लागि अन्जना पौडेलले स्वास्थ्य तथा जनसंख्या मन्त्रालयका प्रवक्ता महेन्द्रप्रसाद श्रेष्ठसँग गरेको कुराकानीः
जनताले दुःख पाएको आज ८ दिन भैसक्दा पनि सरकार किन मौन छ?
सरकार माैन छैन। एकदुई दिन भित्र समस्याको समाधान हुन्छ। चिकित्सकहरूको मागको विषयमा सरकार सकारात्मक छ। ऐन, नियम र कानुन मार्फत हामी माग पूरा गर्नेछौ। उहाँहरूले संघमै समायोजन हुने माग राख्नु भएको छ त्यो चाहिँ सम्भव छैन। त्यो संविधान विरोधी हुन्छ। त्यो माग बाहेक अरू कुरामा स्वास्थ्य मन्त्रालय सकारात्मक छ र समाधान गर्न तयार छ।
