रेशम चौधरीको नागरिक उन्मुक्ति पार्टी (नाउपा) र डा. सीके राउतको जनमत पार्टीबीचको एकता प्रक्रिया अन्तिम चरणमा पुगेको छ।
नाम र चुनाव चिह्न जुराइसकेको पार्टीको एकतापछि नेताहरूको व्यवस्थापनमा समेत सहमति जुटिसकेको छ।
एकता पछि पार्टीको नाम ‘नागरिक जनमत पार्टी’ र चुनाव चिह्न ‘ढकिया’ रहने गरी सहमति भइसकेको छ। त्यस्तै नयाँ बन्ने पार्टीको संरक्षकसहित पहिलो वरियतामा रेशमलाल चौधरी रहने सहमति दुई पार्टीबीच भएको छ।
त्यस्तै, कार्यकारी अध्यक्षसहित दोस्रो बरियतामा डा. राउत र रञ्जिता श्रेष्ठ चौधरीलाई अध्यक्षसहित तेस्रो वरियतामा राखिने सहमति जुटेको बताइएको छ।
दुई पार्टीबीच एकता भएर बन्ने नयाँ पार्टीको आगामी वैशाख १५ गतेभित्रै औपचारिक रुपमा घोषणा गर्ने तयारी गरिएको छ।
