प्रतिनिधिसभाको सचिवमा हर्कराज राई नियुक्त भएका छन्।
मंगलबार राष्ट्रपति रामचन्द्र पौडेलले झापाकाे शिवसताक्षी नगरपालिका-२ निवासी राईलाई प्रतिनिधिसभाको सचिव नियुक्त गरेका हुन्।
सभामुख देवराज घिमिरेको सिफारिसमा नेपालको संविधानको धारा १०६ को उपधारा (१) बमोजिम राईलाई सचिव पदमा नियुक्त गरिएकाे राष्ट्रपति कार्यालयले जनाएकाे छ।
प्रतिनिधिसभाका सचिव सुरेश अधिकारीले २०८१ मंसिर ९ गते राजीनामा दिएपछि उक्त पद रिक्त रहेका थियो।
