ललितपुरको फुल्चोकी जंगलमा हराएका १३ जना युवाहरूको उद्धार गरिएको छ। सोमबार जंगलमा घुम्न गएका उनीहरूले फर्किने बाटो बिर्सिएपछि जंगलमै हराएका थिए।
उनीहरूको राती ९ बजेतिर उद्धार गरिएको हो। हराउनेहरूमा ३ जना महिला र १० जना पुरूषहरू रहेका थिए।
अहिले उनीहरूको मानसिक अवस्था ठिकै रहेको छ। प्रहरी प्रभाग बाणेगाउँकी इन्स्पेक्टर अस्मिता कपालीको कमाण्डमा ७ जना प्रहरी र एक जना स्थानीय दावा तामाङको टोलीले उनीहरूको उद्धार गरेको हो।
