ललितपुरको फुल्चोकी जंगलमा घुम्न गएका १३ जना युवाहरू हराएका छन्। सोमबार जंगलमा घुम्न गएका उनीहरूले फर्किने बाटो बिर्सिएपछि जंगलमै हराएका हुन्।
सोमबार राती पौने ८ बजेसम्म उनीहरू भेटिएका छैनन्। यद्यपि प्रहरीको सम्पकर्कमा भने छन्। हराउनेहरूमा ३ जना महिला र १० जना पुरूषहरू रहेका छन्। तर कहाँबाट घुम्न गएकाे भन्ने खुलेकाे छैन।
अहिले उनीहरूको खोजीमा स्थानीय दावा तामाङका साथमा ललितपुरबाट ७ जना प्रहरी परिचालन भएको छ। मोबाइलको लोकेशन हेरेर खोजी कार्य भइरहेको जिल्ला प्रहरी परिसर ललितपुरका प्रमुख एसएसपी शेखर खनालले जानकारी दिए।
साढे पाँच बजेतिर आफूहरू जंगलमा हराएको भन्दै उनीहरूले प्रहरीमा फोन गरेका थिए। हराउनेमा बालबालिका छैनन्। प्रहरीका अनुसार हराउनेमा २० देखि २९ वर्षका युवाहरू हुन्।
फुलचोकी जंगल गोदावारीदेखि माथि पर्छ। जहाँ घुम्नका लागि धार्मिक स्थलहरूसमेत छ। केही दिन अघि पनि यहाँ घुम्न गएकाहरू हराएका थिए।
