मेडिकल व्यवसायी दुर्गा प्रसाईंले सर्वोच्च अदालतमा बन्दी प्रत्यक्षीकरणको रिट दर्ता गराएका छन्।
आफूलाई गैरकानुनी रूपमा थुनामा राखिएको भन्दै प्रसाईंले शुक्रबार आफ्नो कानुन व्यवसायीमार्फत सर्वोच्चमा रिट दर्ता गराएका हुन्।
उक्त रिटको पेसी आइतबारका लागि तोकिएको छ।
‘फेक डकुमेन्ट’ को सहारामा केपी शर्मा ओलीको बारेमा भ्रामक र गलत जानकारी फैलाएको आरोप प्रसाईंलाई नेपाल प्रहरीको केन्द्रीय अनुसन्धान ब्युरो (सीआईबी)काे टाेलीले मंगलबार भक्तपुरस्थित उनकै निवासबाट पक्राउ गरेको थियाे।
