प्रहरीले रसुवाबाट सुनसहित एक जनालाई पक्राउ गरेको छ।
कालिका गाउँपालिका-१ ग्राङबाट २ किलो सुनसहित गोसाईकुण्ड गाउँपालिका-३ घर भएका ३४ वर्षीय कर्मा सोनाम लामालाई बिहीबार राति प्रहरीले पक्राउ गरेको हो।
बागमती प्रदेश ०२–०४३ प २४३४ नम्बरको मोटरसाइकलमा सवार उनलाई अस्थायी प्रहरी पोष्ट ग्राङबाट खटिएको प्रहरीले कालिकास्थानतर्फ जाँदै गरेको अवस्थामा पक्राउ गरेकाे हाे।
प्रहरीका अनुसार जुत्ताभित्र लुकाएर ल्याएको अवस्थामा बरामद सुनसहित उनलाई भन्सार कार्यालय टिमुरे पठाइएको छ।
