डडेलधुरामा जिप दुर्घटना हुँदा दुई जनाको घटनास्थलमै मृत्यु भएको छ। मृत्यु हुनेमा दुवै जना महिला रहेका छन्। उनीहरूको परिचय भने खुलेको छैन।
दुर्घटनामा परी ९ जना घाइते भएका छन्। उनीहरूलाई उद्धार गरी कैलाली पठाइएको डडेलधुराको परशुराम नगरपालिका–९ का अध्यक्ष देवबहादुर बोहराले जानकारी दिए।
कञ्चनपुरदेखि परशुराम नगरपालिका जाँदै गरेको लु १ ज ४५७९ नम्बरको जिप मंगलबार दिउँसाे करिब ३ बजेतिर परशुराम नगरपालिका ९ नाउला भन्ने ठाउँमा दुर्घटनामा परेको हाे। जिप सडकदेखि करिब ४० मिटर तल खसेको छ।
घटनास्थलमा प्रहरी, जनप्रतिनिधि र स्थानीयले उद्धारकाे काम गरेका थिए।
थप विवरण आउन बाँकी रहेको छ।
.jpg)
