भैरहवास्थित गाैतम बुद्ध विमानस्थलबाट फेरि अन्तराष्ट्रय उडान सुरु भएकाे छ। शनिबार बिहान कुवेतको जजिरा एयरलाइन्सको जहाज विमानस्थलमा अवतरण गरेसँगै फेरि यहाँबाट अन्तराष्ट्रिय उडान सुरु भएकाे हाे।
बिहान ७ बजेर ४० मिनेटमा जजिरा एयरलाइन्सको जहाज गौतम बुद्ध विमानस्थलमा अवतरण गरेको थियाे। यस जहाज दुई वर्षअघि विमानस्थल उदघाटनसँगैं भैरहवाबाट उडान सुरु गरेकाे भए पनि १० महिनापछि स्थगन भएकाे थियाे।
त्रिभुवन विमानस्थल मर्मत गर्नुपर्ने भएपछि दैनिक १० घण्टा बन्द हुन पुगेपछि भैरहवामा अन्तराष्ट्रिय उडान सुरु भएकाे छ। जजिराले भैरहवा–कुवेत उडान गर्नेछ।
यस विमानस्थलबाट जजिराले मात्र हाेइन अन्य ३ विमानले पनि अन्तराष्ट्रिय उडान भर्ने भएका छन्। जसमा नेपाल एअरलाइन्स, थाइ एअर एशिया र फ्लाई दुबई रहेका छन्। उनीहरूले पनि यहाँबाट अन्तराष्ट्रिय उडान भर्ने निश्चित भएकाे विमानस्थल कार्यालयले जनाएकाे छ।
