आठ किलो बढी सुनसहित हेटौंडाबाट प्रहरीले दुईजना भारतीय नागरिकलाई पक्राउ गरेको। प्रहरीका अनुसार उनीहरूबाट बरामद भएकाे बिस्कुटको आकारको ८ थान सुन करिब ८ किलो २४३ ग्राम ९७० मिलिग्राम छ। बजार मूल्यअनुसार यो लगभग ११ करोड ४३ कराेड भन्दा बढी नेपाली रुपैयाँ बराबरकाे सुन हाे।
जिल्ला प्रहरी कार्यालय मकवानपुरकाे टाेलीले उनीहरूलाई हेटौँडा उपमहानगरपालिका वडा नम्बर १५ रातो माटेबाट सुनसहित नियन्त्रणमा लिएकाे हाे।
पक्राउ पर्नेहरूमा भारत महाराष्ट्र साङ्गली जिल्ला दिघन्ची थाना पुजारवाडी बस्ने अन्दाजी वर्ष २५ का अभिषेक अजिनाथ कुटी र साेही ठाउँका अन्दाजी वर्ष २७ को राहुल भिट्टिहाल छन्। उनीहरू नेपाल नम्बरप्लेटकाे स्कुटरमा थिए।
