चाडपर्व लक्षित सुपथ मूल्य पसलहरू सञ्चालनमा आएको छ।

बिहीबार उद्योग वाणिज्य तथा आपूर्तिमन्त्री दामोदर भण्डारीले नेपाल खाद्य व्यापार कम्पनीको थापाथलीमा यस वर्षकाे चाडपर्व लक्षित सुपथ मूल्य पसलको उद्घाटन गरेका हुन्।

उनले आम नागरिकहरुले अनुभूति गर्नेगरी सरकारले चाडवर्पलाई लक्षित गरेर देशभरी सुपथ मूल्यका पसलहरु सञ्चालनमा ल्याएको जानकारी दिए।

‘नेपाल खाद्य व्यापार कम्पनीको थापाथली केन्द्रबाट आजबाट हामीले देशभरी झण्डै सुपथ मूल्यका पसलहरु सञ्चालन गरिरहेका छौँ। अत्यावश्यक खाद्यन्नमा न्यूनतम पाँच रुपैयाँ र त्यो भन्दा अझ बढि गरेर सुपथ मूल्यका पसलहरु आजबाट देशभरी सञ्चालनमा आउनेछ। सरकारको तर्फबाट प्रदान गरिएको एउटा सहुलियत आम आधाभूत तहका नागरिकहरुले अनुभूत गर्ने गरी सरकारले चाडवर्पलाई लक्षित गरेर सञ्चालन गरेको हो’, उनले भने।

मन्त्री भण्डारीले संविधान कार्यान्वयनको चरणमा जति चाँडो जान सक्यो त्यति चाँडो जनतालाई शुसानको अनुभूति दिन सकिने बताए।

संविधानलाई पूर्ण कार्यान्वयन गर्ने कुरामा कतिपय जटिलताहरु आज पनि अगाडि रहेको भन्दै ति जटिलताहरुलाई हटाएर कार्यान्वयनको चरणमा पुर्याउनु सरकारको दायित्व रहेको बताए।

उनले भने, ‘हामीले अझैपनि संविधानलाई त्यसको कार्यान्वयनको चरणमा जति चाँडो जान सक्यो त्यति चाँडो सुशासनको अनुभूति दिन सक्छौँ। हाम्रो आजको आधारभूत आवश्यकतालाई सम्बोधन गरेको देखिन्छ। त्यसैले अझैपनि संविधानलाई पूर्ण कार्यान्वयन गर्ने कुरामा यसका कतिपय जटिलताहरु आज पनि हाम्रा अगाडि छन्। ती जटिलताहरुलाई हामीले हटाउनुपर्ने छ। मुलत यसका मौलिक प्रवन्धलाई कार्यान्वयनको चरणमा पु¥याउनु पर्ने सरकारको दायित्व हो।’