दाङमा मोटरसाइकल दुर्घटनामा परी दुई युवककाे मृत्यु भएको छ। मृत्यु हुनेमा घोराही उपमहानगरपालिका- १८ नवलपुरका २२ वर्षीय श्रवण कुमार पुन र घोराही– ४ बस्ने २१ वर्षीय बिनोद केसी रहेका छन्। 

उनीहरू आज (मंगलबार) बिहान लमहीबाट घोराहीतर्फ आउँदै गर्दा रा ८ प २९४० नम्बरको मोटरसाइकल बिहान सवा ७ बजे बेलदमार दुर्घटनामा परेको थियो। दुर्घटनामा गम्भीर घाइते भएका दुवै जनाको उपचारका क्रममा मृत्यु भएको हो।

घटनाबारे उनीहरूको आफन्तलाई जानकारी गराएको जिल्ला प्रहरी कार्यालय दाङले जानकारी दिएको छ।