बंगलादेशकी प्रधानमन्त्री शेख हसिना भारतको त्रिपुरा राज्यको राजधानी अगरतला पुगेकी छन्।
अगरतला ढाकाको सबैभन्दा नजिकको भारतीय सहर हो।
हसिनाले पदबाट राजीनामा दिएर उनकी बहिनी शेख रेहानालाई लिएर देश छाडेपछि सेनाले सत्ता सम्हालेकाे छ।
सेना प्रमुख जनरल वाकार उज जमानले राष्ट्रका नाममा सम्बोधन गर्दै अन्तरिम सरकार बनाउने घाेषणा गरेका छन्।
प्रदर्शनकारीले प्रधानमन्त्रीको निवासमा प्रवेश गरेर तोडफोड गरेपछि उनी देश छोडेर ‘सुरक्षित ठाउँ’ गएकी हुन्।
आइतबार भएको प्रदर्शनमा सयभन्दा बढीको मृत्यु भएपछि बंगलादेशमा प्रदर्शनले उग्र रुप लिएको थियो।
-(1).jpg)
