बंगलादेशमा राजनीति संकट गहिरिँदै जाँदा प्रधानमन्त्री शेख हसिना वाजेदले देश छाडेकी छन्।
उनले प्रधामन्त्रीबाट राजीनामा दिएर सोमबार साढे २ बजे देश छाडेकी हुन्।
सैनिक हेलिकप्टरमा आफ्नी बहिनी शेख रेहानालाई लिएर उनी देश छाडेकी हुन्। तर उनी कहाँ गइन् भन्ने खुलेको छैन।
अन्तराष्ट्रिय सञ्चारमाध्यमका अनुसार उनी भारतको पश्चिम बंगालतर्फ जाने तयारीमा थिइन्। तर उनी त्यता गइन् वा गइनन् भन्ने खुलाइएको छैन।
यस्तै हसिनाले देश छाड्नुअघि राष्ट्रका नाममा सम्बोधन गर्ने तयारी गरेको भए पनि उनले आन्दोलन उग्र बनेपछि सम्बोधनसमेत गर्न पाइनन्।
