खाली हात, खुट्टा फोहोरसँग खेल्छन् सरसफाइ मजदुर
केही दिनयता नारायणी नदी उर्लिएको छ। नारायणघाट बजारको आडमा ठूलो लगानी गरेर बनाइँदै गरेको ‘सि बिच’ लाई नदीले खण्डहर बनाइदिएको छ।
केही दिनअघिको बाढीले गैंडाकोटसँग जोड्ने पक्की पुलदेखि पश्चिमतर्फ रहेको झोलुंगे पुल पनि भत्काइदियो। हिउँदमा लगभग सुक्खा देखिने नगरवनपूर्वको भंगालोमामात्रै होइन यसपाली बस्तीमै नदीको पानी पुगेको थियो। नारायणीले झोलुंगे पुलमात्रै भत्काएन, नदी किनारमा थुपार्ने, पुर्ने गरिएको फोहोर पनि बगाएर लग्यो।
