अधिवेशनकाे तयारीमा रहेकाे उपेन्द्र यादव नेतृत्वको जनता समाजवादी पार्टी (जसपा) विभाजन भएकाे छ।
जसपा अध्यक्ष यादव अमेरिका भ्रमणमा रहेकाे बेला पार्टी विभाजन भएकाे हाे।
वरिष्ठ नेता अशोक राईको नेतृत्वमा ७ सांसदसहित नयाँ दल दर्ता गर्ने तयारी गरिएको छ। हाल प्रतिनिधिसभामा जसपाका १२ सांसद रहेको छन्।
७ सांसदकाे हस्ताक्षरसहित आजै निर्वाचन आयोगमा निवेदन बुझाइएकाे जसपाका एक नेताले बताए।
सांसदहरू अशोककुमार राई, प्रदीप यादव, नवलकिशोर साह सुडी, रञ्जु झा, वीरेन्द्र महतो, हसिना खान र सुशीला श्रेष्ठ विभाजनकाे पक्षमा रहेकाे बताइएकाे छ।
जेठ २७ गतेदेखि जनकपुरमा अधिवेशन गर्ने निर्णय गरेर पार्टी अध्यक्ष यादव अमेरिका उडेका थिए। उनी नेपाल नफर्किँदै पार्टी फुटेकाे हाे।
