भक्तपुरको सूर्यविनायक नगरपालिका-१, तर्खगालस्थित ओमसाई गाई फर्ममा आगलागी हुँदा १७ गाई र १ भैँसी जलेर नष्ट भएका छन्।
मंगलबार फार्ममा बिजुली सर्ट भइ आगलागी हुँदा रु २१ लाख ९० हजार बराबरको क्षति भएको गाई फर्म सञ्चालक ईश्वर न्यौपानेले जानकारी दिए।
गाईभैँसीलाई दाना पानी हालेर खाना खाने तयारी गर्दा अचानक आगो लागेको देखिएपछि निभाउने प्रयास गर्दागर्दै गाईभैँसीका लागि सुक्खा ओछ्याउने सोत्तरमा आगो सल्किएपछि फार्म नै नष्ट भएको उनले बताए।
आगो लागेपछि स्थानीयवासी, प्रहरी, जुद्ध बारुणयन्त्र भक्तपुरको टोलीले दुई घण्टा पछि आगो निभाएका थिए।