दुबईबाट आएका एक भारतीय ८५५ ग्राम सुनसहित त्रिभुवन विमानस्थलबाट पक्राउ परेका छन्।
पक्राउ पर्नेमा ३५ वर्षीय शारिफ अहमद अबदुल गाफ्फर रहेका छन्।
फ्लाई दुबईको उडानद्वारा नेपाल आएका उनलाई विशेष सूचनाको आधारमा सोमबार पक्राउ गरिएको प्रहरीले जानकारी दिएको छ। उनको साथबाट सुन जस्तो देखिने पहेँलो रंगको ३ वटा अर्धठोस वस्तु प्रहरीले फेला पारेको छ।
जसकाे तौल प्लाष्टिकसहित ८५५ ग्राम रहेकाे छ। पक्राउ परेका गाफ्फरलाई त्रिभुवन विमानस्थल भन्सार कार्यालयमा प्रहरीले बुझाएको छ।
