एमाले अध्यक्ष केपी शर्मा ओलीले पीडितलाई केन्द्रमा राखेर शान्ति प्रक्रियाकाे काम टुंग्याउनुपर्ने बताएका छन्।
मंगलबार एमालेकाे केन्द्रीय कमिटी बैठकको उद्घाटनसत्रलाई सम्बोधन गर्ने क्रममा उनले पीडितको पक्षमा आफूहरु रहेको भन्दै पीडितलाई केन्द्रमा राखेर शान्ति प्रक्रिया टुंग्याउनुपर्ने बताएका हुन्।
आफू प्रधानमन्त्री हुँदा शान्तिप्रक्रिया टुंग्याउन खोज्दा कांग्रेस सभापति शेरबहादुर देउवा र माओवादी अध्यक्ष पुष्पकमल दाहाल प्रचण्डले अस्वीकार गरेको उनको बताए।
उनले मानवताविरुद्धको अपराधको मुद्दामा सजाय घटाउन नहुने बताए। स्वच्छचारी ढंगले मानवताविरुद्धको अपराधमा सजाय घटाउने कार्य भएको भन्दै उनले यसप्रति आपत्ति जनाए।
