त्रिभुवन अन्तर्राष्ट्रिय विमानस्थलमा अध्यागमन कार्यालयका कर्मचारीमाथि कुटपिट भएको छ।
चेकजाँचका क्रममा प्रहरीसँग विवाद भएपछि अध्यागमन कार्यालयका प्रमुख गोगन बहादुर हमाल र अध्यागमन अधिकृत छायालाल मोक्तानमाथि कुटपिट भएको हो।
ड्युटी सकेर डिपार्चरबाट अराइभल क्षेत्रमा आउने समयमा मोक्तानसँग चेकजाँच गर्दा प्रहरीसँग विवाद भएको थियो। विवाद बढ्दा उनीमाथि ड्युटीमा रहेका प्रहरीले हातपात गरेको बुझिएको छ।
कर्मचारी मोक्तानसँग विवाद भएपछि अध्यागमन प्रमुख हमालले विवाद मिलाउन गएको समयमा फेरि विवाद भएको र उनीमाथि पनि हातपात भएको हो।
