अमेरिकाबाट ल्याइएको ५५ किलो गाँजा त्रिभुवन अन्तर्राष्ट्रिय विमानस्थलबाट बरामद भएको छ। कार्टुनमा प्याक गरेर ल्याइएको गाँजा शुक्रबार राति बरामद भएको हो।
उक्त गाँजा नेपालको एक फर्मको नाममा आएको छ। यद्यपी उक्त गाँजा कसको हो भन्ने नखुलेको त्रिभुवन विमानस्थल भन्सार कार्यालयका प्रमुख प्रशासक टोकराज पाण्डेले बताए।
गाँजा आउँदै गरेको सूचनाका आधारमा भन्सार विभागको टोलीले उक्त गाँजा बरामद गरेर नेपाल प्रहरीको लागूऔषध नियन्त्रण ब्यूरोलाई जिम्मा लगाएको छ।
नेपालकाे कानुनले गाँजा बिक्री वितरण गर्न राेक लगाएकाे छ।
