काठमाडौंको बल्खु तरकारी बजार डुबानमा परेको छ। गएरातिदेखि परेको अविरल वर्षाले बिहान ६ बजेतिर तरकारी बजारमा बाढी पसेको थियो।

बागमती नदीको बाढी तरकारी बजारमा पसेपछि लाखौँको क्षति भएको छ। अहिले पानी पर्न रोकिएपछि बाढी घट्दै गएको छ।

बल्खु तरकारी बजारमा ३०० बढी पसल डुबानमा परेको एक व्यापारीले जानकारी दिए। उनका अनुसार एक व्यापारी बराबर ४० देखि ५० हजारसम्मकाे क्षति भएकाे छ भने किराना पसलतर्फ एक व्यापारीकै एक लाख भन्दा बढी क्षति भएकाे छ।