संयुक्त अरब इमिरेट्स (यूएई) ले सम्झौताबमोजिम तलब, सुविधा दिइए वा नदिइएको नियमन गर्न प्रयोगमा ल्याउन लागेको एपबाट नेपाली कामदारहरू पनि लाभान्वित हुने अधिकारीहरूले बताएका छन्।
केही साताभित्रै नेपाली कामदारलाई पनि त्यसमा पहुँच दिने यूएईका अधिकारीहरूले नेपाली अधिकारीहरूलाई काठमाण्डूमा बुधवार सम्पन्न श्रम बैठकमा बताएका हुन्।
श्रम, रोजगार तथा सामाजिक सुरक्षा मन्त्रालयका उपसचिव कविराज उप्रेतीले यूएईका अधिकारीहरूलाई उद्धृत गर्दै बताएअनुसार सम्बन्धित एप प्रयोगमा ल्याउने दिशामा काम अगाडि बढिसकेको छ।
त्यो कार्यान्वयनमा आए रोजगारीका सिलसिलामा नेपाली कामदारहरू रोजगारदाताबाट ठगिने क्रम रोकिन सक्ने एकजना श्रमविज्ञले बताएकी छन्।
