नक्कली शरणार्थी प्रकरणमा पक्राउ गरी प्रतिवादी बनाइएका पूर्वगृहमन्त्री बालकृष्ण खाँणको पक्षमा दोस्रो दिन बुधवार दुई पूर्वमहान्यायाधिवक्तादेखि वरिष्ठ अधिवक्तासम्मले बहस गरेका छन् ।
काठमाडौं जिल्ला अदालतका न्यायाधीश प्रेमप्रसाद न्यौपानेको इजलासमा खाँणको पक्षमा पूर्व महान्यायाधिवक्ता समेत रहेका वरिष्ठ अधिवक्ता रमन श्रेष्ठ, निवर्तमान महान्यायाधिवक्ता खम्मबहादुर खाती, नेपाल बार एसोसिएसनका अध्यक्ष समेत रहेका वरिष्ठ अधिवक्ता गोपालकृष्ण घिमिरे, वरिष्ठ अधिवक्ता डा. सुरेन्द्रकुमार महतो र अधिवक्ता ललित बस्नेतले बुधवार बहस गरेका थिए ।
