बुटवल उपमहानगरपालिका–३, ज्योतिनगरकी ६५ वर्षीय उजेली विकलाई वर्षाको मौसम आउन लाग्यो भन्ने सम्झिँदा पनि मुटु चिसो हुन्छ।
दुई वर्षअघि २०७८ साल भदौ १३ र असोज ४ गते बुटवलबाट पूर्वीउत्तरको चुरेबाट झरेको पहिरोले घर भत्काएको घटनाले उनलाई तर्साइरहन्छ।
असोज ४ गते पूर्णिमाको दिन थियो। सबेरै उठेर उजेली बिहानको नित्यकर्म गरी पूर्णिमाका देवतालाई चढाउन खिर पकाउँदै थिइन्। बाहिर पानी दर्किंदै थियो।
