रुसी राष्ट्रपति र टर्कीका राष्ट्रपति बीच टेलिफोन वार्ता

टर्कीका राष्ट्रपति रेसेप तैयप एर्दोगानले रुसले बनाएको तुर्किएको पहिलो आणविक ऊर्जा रियाक्टरको उद्घाटन समारोह अघि बिहीबार आफ्ना रुसी समकक्षी भ्लादिमिर पुटिनसँग फोन वार्ता गरेका छन्।

टेलिफोन वार्तामा टर्की-रुस सम्बन्ध र क्षेत्रीय मुद्दाहरूमा छलफल भएको एर्दोगनको कार्यालयले जारी गरेको विज्ञप्तिमा उल्लेख छ। टर्कीका राष्ट्रपतिले अकुयु आणविक ऊर्जा प्लान्टमा पुटिनको योगदानको लागि धन्यवाद दिएका छन्।

दुई नेताहरूले रुस-युक्रेन द्वन्द्व र अन्न सम्झौताको बारेमा थप छलफल गरेको विज्ञप्तिमा उल्लेख छ। साथै एर्डोगान र पुटिनले नयाँ 'प्रस्तावित कार्य समूह मार्फत काम गर्न सकिने पहल' बारे पनि थप छलफल गरेको बताइएको छ। उनीहरूले सिरियाको घटनाक्रमबारे पनि छलफल गरेको एर्दोगानको कार्यालयले जनाएको छ।

प्रकाशित मिति: : 2023-04-28 05:38:00

प्रतिकृया दिनुहोस्