नेपाली कांग्रेसको १४ औं महाधिवेशनको उद्घाटन शत्रमा पार्टी पदाधिकारीलाई बोल्न दिँदा साँझ ढल्दा पनि सम्पन्न हुन सकेको छैन।
भृकुटीमण्डपमा आयोजित उद्घाटन सत्रमा विभिन्न राजनीतिक दल तथा विदेशी पाहुनाहरुले मन्तव्य राखे लगत्तै पार्टी पदाधिकारीलाई बोल्न दिँदा लम्बिन पुगेको छ।
सहमहामन्त्री सुनिल थापा, प्रकाशशरण महत, कोषाध्यक्ष सीतादेवी यादव, कृष्ण सिटौला, उपसभापति बिजयकुमार गच्छदारलगायतले अतिथि पछि मन्तव्य राखेका थिए।
झमम्क साँझ परिसक्दा पनि कांग्रेस महाधिवेशनको उदघाटन सत्रमा प्रधानमन्त्री एवम पार्टी सभापति शेरबहादुर देउवाले मन्तव्य राख्न नै पाएका छैनन। उद्घाटन सत्रमा सहभागी प्रतिनिधि र कार्यकर्ताहरु क्रमशः बाहिरिन थालेका छन् तर कार्यक्रम अझै जारी छ।
