‘चलचित्र समाजको ऐना’ हो । यो कुनै नयाँ कोट (भनाइ) होइन । अधिकांश चलचित्रकर्मीले भन्दै आएको कुरा हो । यसको अर्थ समाज जस्तो हुन्छ, चलचित्र पनि त्यस्तै हुन्छन् ।

त्यसो भए नेपाली चलचित्र नेपाली समाजका ऐना हुन् ? होइन । यसो भन्न जिब्रो लकपकाउनु पर्दैन । कारण जगजाहेर छ । अधिकांश चलचित्रले नेपाली समाजको प्रतिनिधित्व गर्न सकिरहेका छैनन् । अर्थात्, समाज एउटा धारमा बगिरहेको छ, चलचित्र अर्कै धारबाट अगाडि बढिरहेका छन् ।