धेरै व्यक्तिका लागि सपनाको देश हो, अमेरिका । रोजगारी र आर्थिक प्रगतिका लागि मानिस अमेरिका जान जुनसुकै हद पार गर्न सक्छन् । अहिले हिँडेरै अमेरिका जानेहरूको लर्को लागिरहेको अवस्थामा आजभन्दा २१ वर्षअगाडि (२०५८ सालमा) राष्ट्रियसभाका सांसदले नै सरकारी कागजात कीर्ते गरेर अमेरिकामा मानव तस्करी गरेको खुलासा भएको छ ।
राष्ट्रियसभाका तत्कालीन सांसद अइन्द्र बिक्रम थाम्सुहाङले ताप्लेजुङकी नैना श्रेष्ठलाई श्रीमतीका रूपमा र अर्का एक व्यक्तिलाई छोरो बनाएर अमेरिका पठाएको खुलेको हो । थाम्सुहाङकी श्रीमती द्वारिका थाम्सुहाङको नाममा बनाइएको पासपोर्टमा फोटो भने नैना श्रेष्ठको टाँस गरिएको छ ।
