सरकारले पाेखरामा भएकाे विमान दुर्घटनाप्रति दुख व्यक्त गर्दै भाेलि राष्ट्रिय झण्डा आधा झुकाउने निर्णय गरेको छ।
गृह मन्त्रालयले आइतबारकाे मन्त्रिपरिषद्को निर्णयअनुसार राष्ट्रिय झण्डा आधा झुकाउने निर्णय गरेको जनाएकाे छ। त्यसैगरी भाेलि अत्यावश्यक सेवाबाहेक नेपाल राज्यभर शोक विदा दिने घोषणासमेत गरेको छ।
दुर्घटनाग्रस्त विमानमा चालक दलका ४ सदस्यसहित ७२ जना यात्रु सवार थिए। जसमा २५ जना महिला, ३७ जना पुरुष, बालक ३ जना र शिशु ३ जना रहेका थिए।
काठमाडौँबाट पोखराका लागि उडेको यती एयरलाइन्सको विमान आइतबार बिहान पोखरामा दुर्घटनाग्रस्त भएको थियो। घटनास्थलमा उद्धार कार्य जारी छ।
