निर्मला पन्त हत्या प्रकरणमा अनुसन्धानका लागि पुनः समिति गठन गरिएको छ।
उपप्रधान एवं गृहमन्त्री रवि लामिछानेको निर्देशgमा शुक्रवार समिति गठन गरिएको हो।
गृहमन्त्री लामिछानेले पदभार ग्रहण गरेपछि निर्मलाको हत्याबारे न्यायिक छानबिन गर्ने पहिलो निर्णय गरेका थिए।
गृहमन्त्रीको निर्णय कार्यान्वयनका क्रममा प्रहरी प्रधान कार्यालय, नक्सालले केन्द्रीय अनुसन्धान ब्यूरो (सीआईबी) की प्रहरी नायब महानिरीक्षक (डीआईजी) दुर्गा सिंहको नेतृत्वमा पाँच सदस्यीय छानबिन समिति गठन गरेको छ। जसमा ब्यूरोका प्रहरी उपरीक्षक (एसपी) कमल थापा, प्रहरी निरीक्षक (इन्स्पेक्टर) धिरेन्द्र रोकाया, मनोचिकित्सक सहितका सदस्यहरु छन्।
