७० करोड घुसकाे आरोपलाई काभ्रेका जनताले खारेज गरिदिए : गोकुल बाँस्कोटा

File Photo
File Photo

एमाले स्थायी कमिटी सदस्य गोकुल बाँस्कोटाले आफूमाथि लाग्दै आएको ७० करोड घुस मागेको आरोप जनअदालतले खारेज गरिदिएको बताएका छन्।

काभ्रे २ बाट प्रतिनिधिसभा सदस्यमा निर्वाचित भएपछि शुक्रबार बनेपामा सञ्चारकर्मीसँग कुराकानी गर्दै उनले आफूमाथि मिथ्या आरोप लागेको भन्दै काभ्रेली जनताले त्यसलाई खारेज गरिदिएको बताएका हुन्।

‘ममाथि अनावश्यक रूपमा त्यस्तो आरोप लगाइयो। चुनावका बेला अरु कुनै मुद्दा नपाएपछि विपक्षीले त्यस्तो प्रचार गर्ने नै भए। हामी देशको कानुन र संविधानअनुसार काम गर्छौं। त्यो आरोप अब इतिहासको गर्तमा विलिन भइसक्यो। अहिलेको निर्वाचनमा ममाथि लागेको आरोप काभ्रेली जनताले खारेज गरिदिएको छ,’ बाँस्कोटाले भने।

नेता बास्कोटाले नयाँ सरकारको भविष्यबारे केही नबोल्ने बताए। ‘अहिले नै त्यस विषयमा बोल्नु उपयुक्त हुन्न,’ उनले भने।

प्रकाशित मिति: : 2022-11-25 13:09:00

प्रतिकृया दिनुहोस्