१२ प्रदेश निर्वाचन क्षेत्र रहेको मोरङका ५ वटा प्रदेश निर्वाचन क्षेत्रमा एमालेको उम्मेदवारको टुङ्गो लागेको छैन्। आकांक्षी उम्मेदवारबीच कुरा मिलाउन नसक्दा उम्मेदवार टुङ्गो नलागेको हो।
एमाले स्रोतका अनुसार मोरङ १ (क) मा रुपेश खतिवडा र उमाकान्त गौतम, १ (ख) मा डिल्लीराम अधिकारी र खड्ग बस्नेतबीच कसलाई टिकट दिने भन्नेबारे छलफल भइरहेको छ। २ (क) मा मेघराज कट्टेल र डिबी कार्कीका विषयमा छलफल भइरहेको छ।
यस्तै ६ (क) मा नेकपा एमालेका स्थायी कमिटी सदस्य गुरु बरालसहित रिता न्यौपाने र नागेश पोखरेलका विषयमा छलफल भइरहेको छ। मोरङ ५ (ख) मा अन्य पार्टीबाट एमालेमा प्रवेश गराएर टिकट दिने चर्चा छ। त्यसका अलवा दिलसाद आलम, नाजिम मिया र भुपराज राईका विषयमा पार्टीले छलफल गरिरहेको छ।
एमाले स्रोतकाअनुसार मोरङ ५ (ख) मा जसपाबाट एमाले प्रवेश गराएर उम्मेदवार बनाउन सक्ने सम्भावना छ। एमाले मोरङले सबै निर्वाचन क्षेत्रका उम्मेदवार भोली टुङ्गो लगाउने बताएको छ। प्रतिनिधिसभा उम्मेदवारको भने टुङ्गो लागिसकेको एमाले स्रोतले बताएको छ।
