बुटवलबाट बेलहिया (सुनौली) अहिले २० मिनेटमा पुगिन्छ तर सिद्धार्थ राजमार्गमा पर्ने व्यापारिक मार्ग नाम दिइएको २७ किलोमिटरको सडक विस्तार हुनुअघि सवा घण्टा लाग्थ्यो ।

चिल्ला र फराकिला सडकका स्थानीय रुटमा अहिले व्यवस्थित विद्युतीय र वातानुकूलित (एसी) सहितका ठूला बस सरर कुद्छन् ।

सडक बत्तीको झिलिमिलीको रौनकसँगै ‘सिक्स लेन’का मुख्य चोक–चोकमा १२ वटा अपाङ्गमैत्री ‘फ्लाइओभर’ (आकाशे पुल) सँगै जडान भएका ‘ट्राफिक लाइट’ले भौतिकसँगै मानवीय विकास भएको संकेत दिन्छ ।