रुपन्देहीमा अवैध रेडबुलसहित २ जनालाई पक्राउ परेका छन्।
रुपन्देही प्रहरीले अवैध रेडबुलसहित दुई युवालाई नियन्त्रणमा लिएको जनाएको छ।
जिल्लाको ओमसतिया गाउँपालिका वडा नम्बर २, पडसरीबाट अवैध रेडबुल र बदाम जुस बरामद गरेको हो।
विशेष सूचनाको आधारमा खटिएको प्रहरीले ग २ च ४६९७ नम्बर को गाडीमा लोड गरी भन्सार छलि चोरी पैठारी गरी ल्याउँदै गरेको रेडवुल १ सय १२ कार्टुन (३ सय पिस), बदाम जुस १ सय ५४ कार्टुन (१ हजार ८ सय ४८ पिस) र गाडी को अन्दाजी मूल्य १० लाख १५ हजार १ सय २० रुपैयाँ बराबरको सामान स्थानीयको रोहवरमा बरामद गरेको रुपन्देही प्रहरीले जनाएको छ।
प्रहरीले गाडीसंगै चालक कास्की जिल्ला पोखरा महानगरपालिका वडा नम्बर २३ बस्ने २७ वर्षीय दामोदर चापागाईं र स्याङ्जा जिल्ला वालिङ नगरपालिका वडा नंम्बर १४ बस्ने २८ बर्षिय विशाल तिवारीलाई पक्राउ गरेको जनाएको छ।
बरामद सामान, गाडी र मानिहरुलाई आवश्यक कारवाहीको लागि भन्सार कार्यालय वेलहिया पठाइएको छ।
