यतिखेर वित्तीय क्षेत्र खासगरी बैंक, बीमा, उद्योग व्यापारदेखि सेयर बजारका जानकारहरु सबै जसोको ध्यान राष्ट्र बैँकतिर केन्द्रित भएको छ । कारण, आज राष्ट्र बैंकले आर्थिक वर्ष २०७९/८० का लागि वित्तीय नीति अर्थात् मौद्रिक नीति ल्याउँदैछ । आन्तरिक तथा बाह्य कारण मुलुकको आर्थिक अवस्था ठिक नभएको अवस्थामा राष्ट्र बैंकले कस्तो मौद्रिक नीति ल्याउला भन्नेमा सबैको चासो छ ।
उसो त जिम्मेवार निकाय राष्ट्र बैँकमै रहेर ‘मुलुकको अर्थतन्त्र श्रीलंकाको बाटोमा जाँदैछ’ भन्नेजस्ता गैरजिम्मेवार अभिव्यक्ति दिइरहेका गभर्नर महाप्रसाद अधिकारीले नै आर्थिक वर्षको मौद्रिक नीति ल्याउँदैछन् । यस्तो समस्याका बाबजुद मुलुकलाई बचाउने गरी गभर्नर अधिकारीले कस्तो मौद्रिक नीति ल्याउँदैछन् त भन्नेमा पनि सर्वत्र चासो छ ।
