काठमाडौं महानगरपालिकामा विजय भए पछि बालेन साहले राष्ट्रिय सभादेखि तीनकुनेसम्मको क्षेत्रफलमा विजयी र्याली सुरु गरेका छन्।
राष्ट्रियसभाबाट सुरु भएको विजय र्यालीमा उनका समर्थकहरुले सहभागीता जनाएका छन्।
नेकपा एमालेका केशव स्थापित र नेपाली कांग्रेसकी सिर्जना सिंहलाई पराजित गर्दै बालेनले मुलुकको राजधानीमा विजयी हासिल गरेका हुन्।
विजय जुलुस अघिको प्रारम्भिक प्रतिक्रियामा मेयर साहले काठमाडौंलाई विश्वकै उत्कृष्ट र नमुना सहरको रुपमा विकास गर्ने प्रतिबद्धता जनाएका छन्।
विजय र्याली जारी छ। तीनकुनेमा पुगेर धन्यवाद ज्ञापन गरेर समापन हुने आयोजकले जनाएका छन्।
