रोल्पामा माओवादीले खाता खोल्यो: ४ वटा वडामा विजयी

रोल्पा नगरपालिका–१ मा नेकपा माओवादी केन्द्रका उम्मेदवार खुमबहादुर थापा विजयी भएका छन्।

थापाले ९ सय ८७ मत पाउँदा नेपाली कांग्रेसको ३७० र एमालेको ४३ मत रहेको छ।

यस्तै सुनिलस्मृति गाउँपालिका–१ मा पनि माओवादी केन्द्रका उम्मेदवार पवन कवर विजयी भएका छन्।

कवरले ७ सय  ७६ मतका साथ विजयी हासिल गर्दा एमाले–कांग्रेस र विप्लवका साझा उम्मेदवार ससिराम कवरले ३ सय ७४ मत पाएका छन्।

यस्तै माओवादी केन्द्रले थबाङ गाउँपालिका–५ मा पनि विजयी हासिल गरेको बताइएको छ।

यस्तै त्रिवेणी गाउँपालिका–१ मा पनि नेकपा माओवादी केन्द्रका उम्मेदवार देउराम घर्ती विजयी भएका छन्।

उनले नेपाली कांग्रेसका उम्मेदवार दिलबहादुर घर्तीलाई पराजित गरेका हुन्। देउरामले ४ सय ८८ मत पाउँदा दिलबहादुरले ४ सय १२ पाएका छन्। यस वडामा ७६ मतान्तर रहेको छ।

प्रकाशित मिति: : 2022-05-14 10:08:00

प्रतिकृया दिनुहोस्