रोल्पाको थबाङ गाउँपालिकामा नेकपा (एमाले)ले अध्यक्ष, उपाध्यक्ष र वडाध्यक्षमा उम्मेदवारी दर्ता गराएको छ।
एमालेबाट उम्मेदवार बनेका नकस घर्तीमगरले अध्यक्ष र शान्ति घर्तीमगरले उपाध्यक्षमा उम्मेदवारी दर्ता गराएका हुन्।
थबाङ–१ को वडाध्यक्षमा दपेन्द्र विक, वडा–२ मा धनकुमार रोकामगर, वडा–३ मा मनोज पुनमगर र वडा–४ मा हिकमत घर्तीमगरले पनि उम्मेदवारी दर्ता गराएका छन्।
नेता–कार्यकर्तासहित निर्वाचन अधिकृतको कार्यालयमा पुगेर अध्यक्ष, उपाध्यक्ष र वडाध्यक्षहरूले उम्मेदवारी दर्ता गराएका छन्।
उम्मेदवारसँगै एमाले केन्द्रीय सदस्य तथा रोल्पा इन्चार्ज नविन रोकामगर र केन्द्रीय सदस्य यमुना रोकामगर पनि थबाङ पुगेको बताइएको छ।
